បច្ចេកវិទ្យា DéScaleចូលរួមជាមួយរាជរដ្ឋាភិបាល លើកកម្ពស់ការបំពាក់ ដំណោះស្រាយបៃតង លើប្រព័ន្ធត្រជាក់ដំណើរការដោយទឹក និងឡចំហាយនៅកម្ពុជា
ភ្នំពេញ, ថ្ងៃទី២៨ ខែមីនា ២០២៦៖ បច្ចេកវិទ្យាដំណោះស្រាយបៃតង DéScale មានមោទនភាពចូលរួមជាមួយរាជរដ្ឋាភិបាលកម្ពុជា ក្នុងពិព័រណ៍តាំងបង្ហាញក្នុង “ទិវាវិទ្យាសាស្ត្រ បច្ចេកវិទ្យា និងនវានុវត្តន៍ជាតិលើកទី៤” ក្រោមអធិបតីភាព ឯកឧត្តម វង្សី វិស្សុត ឧបនាយករដ្ឋមន្ត្រីប្រចាំការ រដ្ឋមន្ត្រីទទួលបន្ទុកទីស្ដីការគណៈរដ្ឋមន្ត្រី តំណាងដ៏ខ្ពង់ខ្ពស់ សម្ដេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា ដែលរៀបចំឡើងនៅមជ្ឈមណ្ឌលពិព័រណ៍កោះពេជ្រ ពីថ្ងៃទី ២៦ ដល់ ២៨ មីនា ២០២៦ ដោយក្រសួងឧស្សាហកម្ម វិទ្យាសាស្ត្រ បច្ចេកវិទ្យា និងនវានុវត្តន៍។ ការតាំងបង្ហាញបច្ចេកវិទ្យា DéScale គឹជាការចូលរួមចំណែកជាមួយរាជរដ្ឋាភិបាលកម្ពុជា ក្នុងការជួយជំរុញការប្រើប្រាស់បច្ចេកវិទ្យាដំណោះស្រាយបៃតងទំនើប សម្រាប់ប្រព័ន្ធត្រជាក់ដំណើរការដោយទឹកនៅតាមអគារធំៗ និងឡចំហាយនៅតាមឧស្សាហកម្មនានា ដើម្បីជំរុញការប្រើប្រាស់ថាមពលបៃតង ការសន្សំសំចៃថាមពល និងការពារបរិស្ថាន ស្របតាមប្រធានបទនៃទិវា “នវានុវត្តន៍ដើម្បីវឌ្ឍនភាពជាតិ”។
លោក ចាន់ ណារិទ្ធ នាយកប្រតិបត្តិក្រុមហ៊ុន DéScale Green Solution ប្រចាំកម្ពុជា មានកិត្តិយសដ៏ខ្ពង់ខ្ពស់ ក្នុងការស្វាគមន៍ ឯកឧត្តម ហែម វណ្ណឌី រដ្ឋមន្ត្រីក្រសួងឧស្សាហកម្ម វិទ្យាសាស្ត្រ បច្ចេកវិទ្យា និងនវានុវត្តន៍ (MISTI) មកកាន់ស្តង់ពិព័រណ៍ DéScale Green Solution នៅក្នុងពិព័រណ៍ នៃ “ទិវាវិទ្យាសាស្ត្រ បច្ចេកវិទ្យា និងនវានុវត្តន៍ជាតិលើកទី៤”។ ក្នុងអំឡុងពេលទស្សនកិច្ចស្តង់ពិព័រណ៍ នេះ លោកនាយកប្រតិបត្តិក្រុមហ៊ុន DéScale Green Solution ប្រចាំកម្ពុជា មានកិត្តិយសបង្ហាញអំពី DéScale Green Solution ដែលជាបច្ចេកវិទ្យាបៃតងចុងក្រោយបំផុត និងដំណោះស្រាយប្រកបដោយចីរភាព ស្របតាមសសរស្ដម្ភនៃការអភិវឌ្ឍប្រកបដោយចីរភាព(ESG) និងគោលដៅអភិវឌ្ឍន៍ប្រកបដោយចីរភាព របស់អង្គការសហប្រជាជាតិ (SDGs)។ ការចូលរួមដ៏មានអត្ថន័យនេះ គឺបង្ហាញ ការប្ដេជ្ញាចិត្តរួមគ្នាជាមួយរដ្ឋាភិបាល ក្នុងការជំរុញឧស្សាហកម្មនៅកម្ពុជា ប្រើប្រាស់នវានុវត្តន៍ជាមួយបច្ចេកវិទ្យាបៃតង ដើម្បីការអភិវឌ្ឍប្រកបដោយចីរភាព។
កន្លងមកដោយមើលឃើញអំពីអត្ថប្រយោជន៍ និងគុណតម្លៃរបស់បច្ចេកវិទ្យា ក្រសួងឧស្សាហកម្ម វិទ្យាសាស្ត្រ បច្ចេកវិទ្យា និងនវានុវត្តន៍(MISTI) បានអនុញ្ញាតឱ្យមានបទបង្ហាញអំពីបច្ចេកវិទ្យា DéScale នៅក្នុងកម្មវិធីរបស់ក្រសួង នៅតាមតំបន់សេដ្ឋកិច្ចពិសេស។
មានវត្តមានក្នុងប្រទេសកម្ពុជាតាំងពីឆ្នាំ ២០២២ មក បច្ចេកវិទ្យា DéScale ជាដំណោះស្រាយបៃតងស័ក្កសមបំផុតសម្រាប់ប្រព័ន្ធត្រជាក់របស់អគារធំៗ មានជាអាទិ៍អគារពាណិជ្ជកម្ម ផ្សារទំនើប សណ្ឋាគារ មន្ទីរពេទ្យ ដែលតែងតែប្រឈមបញ្ហា កំណកស្នឹម ច្រែះចាប់ ស្លែ និងបាក់តេរី ដែលបង្កការខាតបង់ថាមពល និងប៉ះពាល់សុខភាព ទោះប្រើសារធាតុគីមី ក៏បញ្ហានៅតែកើតមាន។ DéScale ជាបច្ចេកវិទ្យាបៃតងកម្ចាត់កំណកស្នឹម ច្រែះចាប់ ស្លែ និងបាក់តេរី ដែលធ្វើឱ្យប្រព័ន្ធត្រជាក់ដំណើរបានពេញលេញ សន្សំសំចៃថាមពល និងការពារបរិស្ថាន។ ជាមួយគ្នានេះដែរ DéScale ជាដំណោះស្រាយដ៏មានប្រសិទ្ធភាពបំផុងក្នុងកម្ចាត់កំណកស្នឹមក្នុងឡចំហាយនៅតាមរោងចក្រ សហគ្រាស ដែលជារើយប្រឈមនឹងបញ្ហាកំណកស្នឹមបង្កការខាតបង់ថាមពល។ បំពាក់បច្ចេកវិទ្យា DéScale ប្រព័ន្ធត្រជាក់ដំណើរការដោយទឹក និងឡចំហាយ អាចសន្សំសំចៃថាមពលបានរង្វង១៥% ដែលមិនត្រឹមតែកាត់បន្ថយការចំណាយលើ ថាមពលដែលកំពុងឡើងថ្លៃដោយសារសង្គ្រាមទេ ថែមទាំងទទួលបានអត្ថប្រយោជន៍បន្ថែមដូចជា ការពារបរិស្ថាន កាត់បន្ថយចំណាយលើសារធាតុគីមី សេវាសម្អាត បង្កើនប្រសិទ្ធភាពដំណើរការឧបករណ៍ និងសន្សំំឥណទានកាបូន។
ឆ្លៀតក្នុងឱកាសនេះ បច្ចេកវិទ្យា DéScale សូមថ្លែងអំណរគុណ ដល់អតិថិជនបច្ចេកវិទ្យា DéScale ដែលកំពុងប្រើប្រកបដោយទំនុកចិត្ត និងចូលរួមជាមួយនឹងរដ្ឋាភិបាលក្នុងលើកម្ពស់ឧស្សាហកម្មបៃតង។ បច្ចេកវិទ្យា DéScale ត្រូវបានប្រើប្រាស់ដោយក្រុមហ៊ុនធំៗរាប់រយ មានដូចជា ក្រុមហ៊ុន Samsung, ផ្សារទំនើប AEON, ក្រុមហ៊ុនកូកាកូឡា, Exchange Square, Yakult, Sime Darby, Pantai Hospital, AmBank, Ojitex Harta Packaging (ខេត្តព្រះសីហនុ), Agri-Master, De Heus, C-Packing Internation, and Recycle Paper Factory។
ដើម្បីចូលរួមជាមួយរដ្ឋាភិបាលក្នុងលើកកម្ពស់ការសន្សំសំចៃថាមពល ការពារបរិស្ថាន និងសន្សំឥណទានកាបូន DéScale Cambodia សូមអំពាវនាវដល់ប្រធានផ្សារទំនើប អគារពាណិជ្ជកម្ម សណ្ឋាគារ មន្ទីរពេទ្យ រោងចក្រ និងសហគ្រាស ចូលរួមបំពាក់បច្ចេកវិទ្យា បច្ចេកវិទ្យា DéScale លើប្រព័ន្ធត្រជាក់ដំណើរការដោយទឹក និងឡចំហាយរបស់ខ្លួន ដើម្បីកាត់បន្ថយការចំណាយលើថាមពល សេវាថែទាំសម្អាត កាត់ចេញខ្ទង់ចំណាយលើសារធាតុគីមី បង្កើនអាយុកាលឧបករណ៍ ការពារបរិស្ថាន និងសន្សំឥណទានកាបូនផងដែរ៕
###
សម្រាប់ព័ត៌មានបន្ថែម សូមទាក់ទងមក៖
- លេខទូរស័ព្ទ៖ 089 541 678 / 010 541 678 / 097 873 4456
- អ៊ីម៉ែល៖ info@descalecambodia.com
- គេហទំព័រ៖ https://descalecambodia.com